மும்பையில் இன்று ,ராஜஸ்தான் ராயல்ஸ் – டெல்லி கேப்பிட்டல்ஸ் அணிகள் மோதல்
14வது ஐ.பி.எல் தொடரின் 7ஆவது லீக் போட்டியில் , ராஜஸ்தான் ராயல்ஸ் – டெல்லி கேப்பிட்டல்ஸ் அணிகள் மோதுகின்றன . இந்த போட்டி மும்பை வான்கன்டே மைதானத்தில் , தொடங்கியது . இதில் டாஸ் வென்ற ராஜஸ்தான் அணி பவுலிங்கை தேர்வு செய்துள்ளது.தொடக்க வீரர்களான பிருத்வி ஷா -ஷிகர் தவான் ஜோடி களமிறங்கினர் .இதில் பிருத்வி ஷா 5 பந்துகளில் 2 ரன்களை மட்டுமே எடுத்து ,அவுட் ஆகி அதிர்ச்சியளித்தார் .இதன் பிறகு தவான் 11 பந்துகளில் 9 ரன்களை எடுத்து ஆட்டமிழந்தார் .அடுத்து டெல்லி அணியின் கேப்டன் ரிஷப் பந்த் -அஜீக்யா ரஹானே களமிறங்கினர் .ரஹானே 8 ரன்களை எடுத்து வெளியேறினார்.
இதன் பின் களமிறங்கிய மார்கஸ் ஸ்டோனிஸ் ரன்கள் ஏதும் எடுக்காமல் ஆட்டமிழந்தார் .டெல்லி அணி 37 ரன்களில் , 4 விக்கெட்டுகளை இழந்து தடுமாறியது. கேப்டன் ரிஷப் பந்த் நிதானமாக ஆடி சிறப்பான ஆட்டத்தை வெளிப்படுத்தினார் .அவர் 32 பந்துகளில் 50 ரன்களை எடுத்து ரன் அவுட் ஆனார் . அதன் பின் களமிறங்கிய வீரர்கள் அடுத்தடுத்து விக்கெட்டுகளை பறிகொடுத்தனர் . இதில் லலித் யாதவ் (20) ரன்கள் , டாம் கர்ரன் (21) ரன்கள் மற்றும் கிறிஸ் வோக்ஸ் கடைசி வரை ஆட்டமிழக்காமல் 15 ரன்கள் எடுத்தார். 20 ஓவர் முடிவில் 8 விக்கெட் இழப்பிற்கு 147 ரன்களை எடுத்துள்ளது. அடுத்து களமிறங்கிய ராஜஸ்தான் அணி 148 ரன்களை வெற்றி இலக்காக கொண்டு விளையாடி வருகிறது.