சிவகங்கை மாவட்டத்தில் உள்ள சாலைக்கிராமத்தில் பதுக்கி வைக்கப்பட்டிருந்த ரேஷன் அரிசி 40 மூடையை வட்ட வழங்கல் அலுவலர் பறிமுதல் செய்தார்.
சிவகங்கை மாவட்டத்தில் உள்ள இளையான்குடி அருகே அய்யம்பட்டி கிராமத்தில் ரேஷன் அரிசி 40 மூடைகள் பறிமுதல் செய்யப்பட்டது. அய்யம்பட்டி கிராமத்தில் மறைவான இடத்தில் ரேஷன் அரிசி மூடைகள் யாருக்கும் தெரியாமல் பதுக்கி வைக்கப்பட்டிருப்பதாக அதிகாரிகளுக்கு ரகசிய தகவல் அளிக்கப்பட்டது. அந்த தகவலின் பேரில் வட்ட வழங்கல் அலுவலர் பாலகிருஷ்ணன் சம்பவ இடத்திற்கு விரைந்தார். அங்கு ரேசன் அரிசி மூடைகள் வைக்கப்பட்டிருந்த வீட்டை சோதனை செய்தார்.
அதில் 40 மூடை ரேஷன் அரிசி அய்யம்பட்டியை சேர்ந்த கோபால் என்பவரது வீட்டில் இருப்பு வைத்துள்ளதை வட்ட வழங்கல் அலுவலர் பாலகிருஷ்ணன் கண்டறிந்தார். மேலும் அவர் அந்த அரிசி மூடைகளை பறிமுதல் செய்தார். தமிழ்நாடு நுகர்பொருள் வாணிப கழக கிடங்கில் கைப்பற்றிய ரேஷன் அரிசி மூடைகள் வைக்கப்பட்டன. ஆள் இல்லாத வீட்டில் ரேஷன் அரிசி மூடைகள் மறைத்து வைக்கப்பட்டிருந்ததால் அவர் யார் என்ற விவரம் குறித்து அதிகாரிகள் விசாரணை மேற்கொண்டு வருகின்றனர்.