உழவு பணிக்கு சென்றவர்கள்… மாணவனுக்கு நேர்ந்த கொடூரம்… திண்டுக்கல்லில் கோர சம்பவம்..!!

திண்டுக்கல் மாவட்டம் சத்திரப்பட்டி அருகே பத்தாம் வகுப்பு மாணவர் டிராக்டர் சக்கரத்தில் சிக்கி பலியான சம்பவம் சோகத்தை ஏற்படுத்தியுள்ளது.

திண்டுக்கல் மாவட்டத்தில் உள்ள கோம்பைப்பட்டியில் கிருஷ்ணன் என்பவர் வசித்து வருகிறார். இவருக்கு பிரவீன் என்ற மகன் உள்ளார். இவர் பத்தாம் வகுப்பு அப்பகுதியில் உள்ள பள்ளியில் படித்து வந்தார். அதே பகுதியில் வசித்து வரும் அவருடைய உறவினர் டிராக்டர் டிரைவர் தவசி கடந்த 14-ஆம் தேதி உழவு பணி செய்வதற்காக அப்பகுதியில் உள்ள ஒரு தோட்டத்திற்கு டிராக்டரில் சென்றார். அவர் தன்னுடன் பிரவீனையும் அழைத்து சென்றார். இதையடுத்து 2 பேரும் அந்த தோட்டத்தில் டிராக்டரில் உழவு பணியில் ஈடுபட்டிருந்தனர்.

அப்போது பிரவீன் எதிர்பாராதவிதமாக தவறி கீழே விழுந்தார். அதில் பிரவீன் டிராக்டர் சக்கரத்தில் சிக்கினார். அதனை கண்ட அதிர்ச்சியில் உறைந்து போன தவசி டிராக்டரை நிறுத்தினார். ஆனால் பிரவீன் படுகாயமடைந்து சம்பவ இடத்திலேயே பரிதாபமாக உயிரிழந்தார். இதையடுத்து அவரது உடல் பழனி அரசு மருத்துவமனைக்கு பிரேத பரிசோதனைக்காக அனுப்பி வைக்கப்பட்டது. இந்த சம்பவம் குறித்து காவல்துறையினர் வழக்குப்பதிந்து விசாரணை மேற்கொண்டு வருகின்றனர்.