அப்துல் கலாமின் கனவுக்கு உருவம் கொடுத்து வந்தவர் நடிகர் விவேக்(59). சமூக ஆர்வலராகவும் விளங்கினார். நகைச்சுவையுடன் சமூகத்துக்கு தேவையான கருத்துக்களை எடுத்துரைத்தவர். நடிகர் விவேக்கை இயக்குனர் பாலச்சந்தர் திரைப்படத்தில் முதன் முதலாக அறிமுகப்படுத்தினார். விவேகம் மிக்க கருத்துக்களை மக்கள் மனதில் விதைத்தவர். இந்நிலையில் இவருக்கு நேற்று ஏற்பட்ட மாரடைப்பு காரணமாக மருத்துவமனையில் அனுமதிக்கப்பட்டு சிகிச்சை பெற்று வந்தார்.
இதையடுத்து மருத்துவமனை நிர்வாகம் அவருடைய உடல்நிலை மிகவும் மோசமாக இருப்பதாகவும் தெரிவித்தது. இதையடுத்து இன்று காலை 4.35 மணியளவில் காலமானார். அவருடைய இறப்புக்கு பலரும் இரங்கல் தெரிவித்து வருகின்றனர். இந்நிலையில் 2016-இல் டெங்கு காய்ச்சல் காரணமாக தனது மகன் பிரசன்னகுமார் உயிரிழந்த பிறகு விவேக் வெளியே சிரித்த முகத்துடன் இருந்தாலும் மனதளவில் துயரத்திலேயே இருந்ததாக அவரது குடும்பத்தினர் தெரிவித்துள்ளனர். தற்போது விவேக்கின் மறைவு தங்களை மேலும் துயரத்தில் ஆழ்த்தியுள்ளதாக கூறியுள்ளனர். நடிகர் விவேக்கிற்கு அமிர்தா நந்தினி, தேஜஸ்வினி என்ற இரு மகள்கள் உள்ளனர்.