திருநெல்வேலியில் வாங்கிய கடனை திரும்ப செலுத்த முடியாததால் பெண் தூக்கிட்டு தற்கொலை செய்த சம்பவம் சோகத்தை ஏற்படுத்தியுள்ளது.
திருநெல்வேலி மாவட்டம் முக்கூடலில் கலா என்பவர் வசித்து வந்தார். இந்நிலையில் இவர் குடும்ப சூழ்நிலையின் காரணத்தால் மகளிர் சுய உதவி குழுவிலிருந்து கடன் பெற்றுள்ளார். இதனையடுத்து அவர் கடனாகப் பெற்ற பணத்தை திருப்பி கட்ட முடியாமல் மிகவும் அவதிப்பட்டு வந்தார். மேலும் குழுவிலிருந்த நபர்கள் பணத்தை திருப்பிக் கொடுக்குமாறு நெருக்கடி கொடுத்துள்ளனர்.
இதனால் மனமுடைந்த அவர் வீட்டில் தூக்கிட்டு தற்கொலை செய்தார். இச்சம்பவம் குறித்து தகவலறிந்து வந்த காவல்துறையினர் அவரின் உடலை மீட்டு பரிசோதனைக்காக அரசு மருத்துவமனைக்கு அனுப்பி வைத்தனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.