பிரபல ஹிந்தி நடிகர் அஷுதோஷ் ராணாவுக்கு கொரோனா தொற்று உறுதி செய்யப்பட்டுள்ளது.
இந்தியா முழுவதும் தற்போது கொரோனாவின் இரண்டாம் அலை வேகமாக வீசி வருகிறது.இதில் பல திரைப்பிரபலங்கள் அடுத்தடுத்து பாதிக்கப்பட்டு வருகின்றனர். அந்த வகையில் தடுப்பூசி போட்டுக் கொண்ட பிரபல ஹிந்தி நடிகர் அஷுதோஷ் ராணாவுக்கு கொரோனா தொற்று உறுதி செய்யப்பட்டுள்ளது.
இதுகுறித்து அவர் தனது ட்விட்டர் பக்கத்தில் பதிவு ஒன்றை வெளியிட்டுள்ளார். அதில், “எனக்கு கொரோனா தொற்று இருப்பது உறுதி செய்யப்பட்டுள்ளது. தற்போது தேவையான முன்னெச்சரிக்கை நடவடிக்கைகளை மேற்கொண்டு வருகிறேன். தயவுசெய்து என்னுடன் தொடர்பில் இருந்தவர்கள் கொரோனா பரிசோதனை செய்து கொள்ளுங்கள்” என்று பதிவிட்டுள்ளார்.
முன்னணி நடிகர்கள் ஆர்யா மற்றும் மாதவன் நடிப்பில் வெளியான சேட்டை படத்தில் அஷுதோஷ் ராணா அண்ணாச்சி கதாபாத்திரத்தில் நடித்திருப்பது குறிப்பிடத்தக்கது.