பிக்பாஸ் பிரபலம் ரைசா தனது சமூக வலைதளப் பக்கத்தில் புகைப்படம் ஒன்றை வெளியிட்டுள்ளார்.
பிக்பாஸ் நிகழ்ச்சியின் முதல் சீசனில் போட்டியாளராக கலந்து கொண்டு பிரபலமடைந்தவர் ரைசா வில்சன். இதையடுத்து இவர் நடிகர் ஹரீஷ் கல்யாணுடன் இணைந்து பியார் பிரேமா காதல் படத்தில் நடித்து ரசிகர்கள் மனதில் இடம் பிடித்தார். தற்போது இவர் பல திரைப்படங்களில் பிஸியாக நடித்து வருகிறார். மேலும் ரைசா தனது அழகிய புகைப்படங்களை தனது சமூக வலைதளப் பக்கத்தில் வெளியிட்டு ரசிகர்களை கவர்ந்து வருகிறார். இந்நிலையில் வீங்கிய முகத்துடன் ரைசா வெளியிட்டுள்ள புகைப்படத்தை பார்த்த அவரது ரசிகர்கள் அதிர்ச்சியடைந்துள்ளனர்.
இதுகுறித்து ரைசா ‘நேற்று பேஷியல் செய்வதற்காக அழகுகலை மருத்துவரிடம் சென்றேன். அங்கிருந்த அழகுக்கலை நிபுணர் வலுக்கட்டாயமாக என்னை வேறு சில அழகு செயல்முறைகளை எடுத்துக்கொள்ள கட்டாயப்படுத்தினார் . அதனுடைய விளைவு தான் இது’ மேலும் அந்த நிபுணரை தொலைபேசியில் தொடர்பு கொள்ள முயற்சி செய்தேன். ஆனால் அவரது உதவியாளர்கள் அவர் வெளியூர் சென்று விட்டதாக கூறிவிட்டார்கள்’ என தெரிவித்துள்ளார்.