மனைவி வாழ வராததால் வாலிபர் தற்கொலை செய்து கொண்ட சம்பவம் சோகத்தை ஏற்படுத்தியுள்ளது.
விழுப்புரம் மாவட்டத்தில் உள்ள நாகம்பூண்டி கிராமத்தில் வசித்து வருபவர் ராஜேந்திரன். இவருடைய மகன் பிரபுவுக்கு திருமணமாகி மூன்று குழந்தைகள் இருக்கின்றனர். இந்நிலையில் கணவன்-மனைவி இருவருக்கும் இடையில் கருத்து வேறுபாடு நிலவியதால், மனைவி கோபத்தில் குழந்தைகளுடன் அம்மா வீட்டிற்கு சென்றார்.
இதனால் தளர்ந்து போன பிரபு தன் மனைவியை அழைத்து வருவதற்காக சென்றார். ஆனால் மனைவி தன் கணவருடன் செல்வதற்கு மறுப்பு தெரிவித்துள்ளார்.இதனால் மிகுந்த மன வேதனையடைந்த பிரபு வீட்டிற்கு சென்று யாரும் இல்லாதபோது தூக்கிட்டு தற்கொலை செய்து கொண்டார். இதுகுறித்து தகவலறிந்த காவல்துறையினர் சம்பவ இடத்திற்கு விரைந்து வந்து பிரபுவின் சடலத்தை பிரேத பரிசோதனைக்காக மருத்துமனைக்கு அனுப்பி வைத்ததோடு வழக்கு பதிந்து விசாரணை மேற்கொண்டு வருகின்றனர்.