சேலம் மாவட்டத்தில் வனப்பகுதியில் முயல் வேட்டையாட வந்த வாலிபர்களை வனத்துறையினர் கைது செய்துள்ளனர்.
சேலம் மாவட்டத்திலுள்ள ஜருகுமலை வனப்பகுதியில் அடிக்கடி முயல் வேட்டையாடப்படுவதாக வனத்துறையினருக்கு ரகசிய தகவல் கிடைத்துள்ளது. அந்த தகவலின் படி வனக்காப்பாளர் விஜய குமார் மற்றும் ராஜேஷ் இருவரும் வன சரக பகுதியில் தீவிர ரோந்து பணியில் ஈடுபட்டு கொண்டிருந்தனர். இதனையடுத்து அந்த வழியாக மோட்டார் சைக்கிளில் வந்த வாலிபர்களை வழிமறித்து விசாரணை செய்த போது அவர்கள் பனமதுரப்பட்டியை சேர்ந்த மணிகண்டன் மற்றும் ரமேஷ் என்பது தெரியவந்தது.
மேலும் அவர்கள் முயல் வேட்டையாட வந்ததை ஒப்புக் கொண்டுள்ளனர். இதனை தொடர்ந்து வனத்துறையினர் அவர்கள் 2 பேரையும் கைது செய்து அவர்கள் மீது தலா 10,௦௦௦ என 20,000 அபராதம் வசூலிக்கப்பட்டது. அந்த தொகையை செலுத்திய பின் அவர்களை வனத்துறையினர் எச்சரிக்கை விடுத்து அனுப்பியுள்ளனர்.