மறைந்த நடிகர் விவேக்குடன் பல வருடங்களுக்கு முன் நடிகை ஆண்ட்ரியா விளம்பரப் படத்தில் நடித்த புகைப்படம் வெளியாகியுள்ளது.
தமிழ் திரையுலகில் பிரபல காமெடி நடிகர் விவேக் தனது நகைச்சுவை மூலம் ரசிகர்களை சிரிக்கவும் சிந்திக்கவும் வைத்தவர். இவர் கடந்த வெள்ளிக்கிழமை மாரடைப்பு காரணமாக மருத்துவமனையில் அனுமதிக்கப்பட்ட நிலையில் சிகிச்சை பலனின்றி சனிக்கிழமை மரணமடைந்தார் . இவரது உடலுக்கு பிரபலங்கள் பலரும் அஞ்சலி செலுத்தினர். நடிகர் விவேக் அஜித், விஜய், ரஜினி போன்ற பல நடிகர்களுடன் இணைந்து படங்களில் நடித்துள்ளார்.
மேலும் நடிகர் விவேக் சில விளம்பரப் படங்களிலும் நடித்துள்ளார் . இந்நிலையில் பல வருடங்களுக்கு முன் நடிகர் விவேக் நடிகை ஆண்ட்ரியாவுடன் இணைந்து கூல் ட்ரிங்க் விளம்பரத்தில் நடித்த புகைப்படம் வெளியாகியுள்ளது. அந்த புகைபடத்தில் குண்டான தோற்றத்தில் நடிகை ஆண்ட்ரியா இருப்பதைப் பார்த்த ரசிகர்கள் ஆச்சரியமடைந்துள்ளனர். தற்போது இந்த புகைப்படம் இணையத்தில் வைரலாகி வருகிறது.