90களில் பிரபல நடிகையாக வலம் வந்த நடிகை சன் டிவி சீரியல் மூலம் ரீ என்ட்ரி கொடுக்கிறார்.
வீட்டில் இருக்கும் இல்லத்தரசிகளுக்கு அவர்களது பொழுதுபோக்காக இருப்பது சீரியல்கள் மட்டுமே. அந்த வகையில் பிரபல தொலைக்காட்சி சேனலான சன் டிவியில் ஒளிபரப்பாகும் பல சீரியல்கள் ரசிகர்கள் மத்தியில் நல்ல வரவேற்பு பெற்று வருகிறது. குறிப்பாக இந்த சேனலில் ஒளிபரப்பாகும் ரோஜா சீரியல் டிஆர்பியில் முன்னணி வகிக்கிறது.
இதேபோல் அன்பே வா சீரியலும் ரசிகர்கள் மத்தியில் பிரபலமாகி வருகிறது. இந்த சீரியலில் நடித்து வந்த அஞ்சலி என்பவர் திடீரென இதில் இருந்து விலகியுள்ளார். ஏனென்றால் அவருக்கான காட்சிகள் இந்த சீரியலில் குறைவாக இருப்பதால் அவர் விலகி உள்ளார் என்று கூறப்படுகிறது.
இந்நிலையில் 90களில் முன்னணி சீரியல் நடிகையாக வலம் வந்த ப்ரீத்தா ராகவ் இந்த சீரியல் மூலம் சின்னத்திரைக்கு ரீ என்ட்ரி கொடுக்கிறார் என்று தெரியவந்துள்ளது. இதனை அவரே தன் இன்ஸ்டாகிராம் பக்கத்தில் பதிவு செய்து வெளியிட்டுள்ளார்.