குடும்ப பிரச்சினை காரணமாக ராணுவ வீரர் தூக்கிட்டு தற்கொலை செய்து கொண்ட சம்பவம் சோகத்தை ஏற்படுத்தியுள்ளது.
திருச்சி மாவட்டத்திலுள்ள கள்ளிக்குடி பகுதியில் சிவா என்பவர் வசித்து வந்துள்ளார். இவர் மராட்டிய மாநிலத்தில் ராணுவ வீரராக வேலை பார்த்து வந்துள்ளார். இவருக்கு மனைவி மற்றும் இரண்டு மகள்கள் இருக்கின்றனர். இந்நிலையில் விடுமுறையை முன்னிட்டு ஊருக்கு வந்த சிவாவிற்கும் அவரது குடும்பத்தாருக்கும் இடையே தகராறு ஏற்பட்டுள்ளது.
இதனால் விரக்தியில் சிவா சேலையால் தூக்கிட்டு தற்கொலை செய்துள்ளார். இதுகுறித்து தகவலறிந்த ராம்ஜிநகர் காவல்துறையின் சம்பவ இடத்திற்கு விரைந்து சென்று அவரின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.