கேரளாவில் 18 வயதுக்கு மேற்பட்ட அனைவருக்கும் தடுப்பூசி இலவசமாக போடப்படும் என்று அம்மாநில முதல்வர் தெரிவித்துள்ளார்.
இந்தியாவில் பல பகுதிகளில் கொரோனா தொற்று தொடர்ந்து அதிகரித்துக் கொண்டே வருகிறது. இவற்றை கட்டுப்படுத்துவதற்காக மத்திய மாநில அரசு பல்வேறு முன்னெச்சரிக்கை நடவடிக்கைகளை மேற்கொண்டு வருகின்றனர். மக்கள் அனைவருக்கும் தடுப்பூசி போடுவதை முன்புற படுத்தி வருகின்றனர்.
இந்நிலையில் கேரளாவில் 18 வயதுக்கு மேற்பட்ட அனைவருக்கும் தடுப்பூசி இலவசமாக போடப்படும் என்று அம்மாநில முதல்வர் பினராய் விஜயன் அறிவித்துள்ளார். கொரோனாவால் மாநிலங்கள் ஏற்கனவே நிதி சுமையில் உள்ளன. மாநிலங்களை மேலும் பொருளாதார நெருக்கடியில் தள்ளி விடாமல் மத்திய அரசே தடுப்பூசிகளை இலவசமாக வழங்க வேண்டும். 18 வயதுக்கு மேற்பட்டோருக்கு கேரள அரசு இலவச தடுப்பூசி வழங்கும் என கூறியுள்ளார்