நடிகர் விவேக் மாரடைப்பு காரணமாக கடந்த 17ஆம் தேதி சென்னையில் உள்ள தனியார் மருத்துவமனை ஒன்றில் காலமானார். அவரது மறைவு திரையுலகம் மட்டுமல்லாமல் சமூகத்திலும் ஒரு வெற்றிடத்தை ஏற்படுத்தியுள்ளது. அவர் மக்களுக்கு பல்வேறு தொண்டுகளை செய்து வந்தார். சமூக சேவை செய்வதில் சிறந்து விளங்கியவர். மக்கள் அனைவர் மனதிலும் நீங்காத இடம் பிடித்தவர்.
இந்நிலையில் நடிகர் விவேக் நினைவாக மாநாடு படக்குழுவுடன் இணைந்து நடிகர் சிம்பு மரக்கன்றுகளை நட்டு அஞ்சலி செலுத்தியுள்ளார். நடிகர் சிம்புவுடன் நடிகை கல்யாணி பிரியதர்ஷன், இயக்குனர் வெங்கட் பிரபு, தயாரிப்பாளர் சுரேஷ் காமாட்சி, சண்டை பயிற்சியாளர் சில்வா உள்ளிட்ட படக்குழுவினர் மரக்கன்றுகளை நட்டதோடு விவேக் புகைப்படத்திற்கு அஞ்சலியும் செலுத்தினர். இந்தப் புகைப்படங்கள் சமூக வலைத்தளங்களில் வைரலாகி வருகிறது.