நெல்லையில் கார் லாரியின் மீது மோதியதால் பெண் பரிதாபமாக இறந்தார்.
கன்னியாகுமரி மாவட்டம் மருங்கூரில் சகாய பாத்திமா என்பவர் வசித்து வந்தார். இந்நிலையில் இவர் தன்னுடைய மகளுடன் காரில் மருத்துவமனைக்கு சென்றார். அப்போது திருநெல்வேலி மாவட்டத்திலிருக்கும் நாரணம்மாள்புரத்தில் சென்று கொண்டிருக்கும்போது திடீரென்று கார் ஓட்டுநரின் கட்டுப்பாட்டை இழந்து. இதில் லாரியின் மீது கார் மோதியதால் மூவரும் காயமடைந்தனர். மேலும் இச்சம்பவம் குறித்து அக்கம்பக்கத்தினர் தாழையூத்து காவல்துறையினருக்கு தகவல் கொடுத்துள்ளனர்.
இத்தகவலின் அடிப்படையில் சம்பவ இடத்திற்கு வந்த காவல்துறையினர் மூன்று நபர்களையும் மீட்டு பாளையங்கோட்டை அரசு மருத்துவமனைக்கு சிகிச்சைக்காக அனுப்பி வைத்தனர். அங்கு மருத்துவர்கள் அளித்த சிகிச்சை பலனில்லாமல் சகாய பாத்திமா உயிரிழந்தார். இதனையடுத்து இச்சம்பவம் குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.