இயக்குனர் வெற்றிமாறனின் ‘விடுதலை’ படத்தில் பிரபல இயக்குனர் இணைந்துள்ளதாக தகவல் வெளியாகி உள்ளது .
தமிழ் திரையுலகில் முன்னணி இயக்குனராக வலம் வரும் வெற்றிமாறன் இயக்கத்தில் சூரி, விஜய் சேதுபதி நடிப்பில் உருவாகி வரும் திரைப்படம் விடுதலை. தற்போது இந்த படத்தின் படப்பிடிப்பு விறுவிறுப்பாக நடைபெற்று வருகிறது . இந்த படத்திற்கு இசைஞானி இளையராஜா இசையமைத்துள்ளார். சமீபத்தில் இந்த படத்தின் ஃபர்ஸ்ட் லுக் போஸ்டர் வெளியாகி ரசிகர்களை வெகுவாக கவர்ந்தது .
இந்நிலையில் இந்தப் படத்தில் பிரபல இயக்குனர் கௌதம் மேனன் இணைந்துள்ளதாக தகவல் வெளியாகியுள்ளது. இவர் இந்த படத்தில் காவல்துறை உயர் அதிகாரி கதாபாத்திரத்தில் நடிப்பதாக கூறப்படுகிறது. ஏற்கனவே சில திரைப்படங்களில் கௌதம் மேனன் நடித்துள்ள நிலையில் வெற்றிமாறன் படத்தில் இணைந்துள்ளதால் ரசிகர்களிடையே எதிர்பார்ப்பு அதிகரித்துள்ளது.