நாடு முழுவதும் கொரோனா இரண்டாவது அலை மீண்டும் வேகம் எடுத்து வருகிறது. இதன் காரணமாக கொரோனா தொற்று பாதிப்பு அதிகரித்து வருகிறது. இதனால் நாளுக்கு நாள் இறப்பு வீதமும் அதிகரித்துக் கொண்டே வருகின்றது. இது ஒருபுறம் இருக்க மறுபுறம் ஆக்சிஜன் தட்டுப்பாட்டின் காரணமாக பல கொரோனா நோயாளிகள் உயிரிழந்து வருகின்றனர். எனவே ஆக்சிஜனை விரைந்து வழங்க பல்வேறு தரப்பினரும் கோரிக்கை விடுத்து வருகின்றனர்.
இந்நிலையில் நாடு முழுவதும் இரவு நேரங்களில் பொதுமக்கள் நடமாட்டத்தை தடுக்க 144 தடை உத்தரவு பிறப்பிக்க மத்திய அரசு பரபரப்பு உத்தரவை பிறப்பித்துள்ளது. இதையடுத்து புதுச்சேரியில் ஏப்ரல்-30 ஆம் தேதி வரை (4 நாட்கள் ) அனைத்து மதுக்கடைகளையும் மூட கலால்துறை உத்தரவிட்டுள்ளது. கொரோனா பரவல் காரணமாக சாராயக்கடைகளும், கள்ளுக்கடைகளும் மூட கலால்துறை ஆணை பிறப்பித்துள்ளது.