இதெல்லாம் ரொம்ப தப்பு… சோதனையில் வசமாக சிக்கியவர்… கைது செய்த காவல்துறையினர்…!!

150 கிலோ ரேஷன் அரிசி கடத்தியவரை போலீசார் கைது செய்ததோடு கடத்தி செல்லப்பட்ட  அரிசியை உணவு பாதுகாப்பு துறையினரிடம் ஒப்படைத்து விட்டனர்.

தென்காசி மாவட்டத்திலுள்ள ஆழ்வார்குறிச்சி பகுதி வழியாக ரேஷன் அரிசி கடத்தி வருவதாக போலீசாருக்கு ரகசிய தகவல் கிடைத்துள்ளது. அந்த தகவலின் படி ஆழ்வார்குறிச்சி பகுதியில் உள்ள கீழாம்பூர் செல்லும் வழியில் வாகனங்களை சோதிக்கும் பணியில் போலீசார் ஈடுபட்டிருந்தனர்.இந்நிலையில் அவ்வழியாக ஒருவர் தனது மோட்டார் சைக்கிளில் வந்து கொண்டிருந்தார்.

அப்போது போலீசார் அந்த மோட்டார் சைக்கிளை நிறுத்தி சோதனை செய்துள்ளனர். அந்த சோதனையில் அவர் 150 கிலோ ரேஷன் அரிசியை கடத்தி சென்றது தெரியவந்துள்ளது. இதனையடுத்து அவரிடம் நடத்திய விசாரணையில் அந்த நபர் நரையப்புரத்தில் வசிக்கும் கணேசன் என்பது தெரியவந்துள்ளது. அதன்பின் போலீசார் 150 கிலோ ரேஷன் அரிசியை பறிமுதல் செய்தனர்.  மேலும் இச்சம்பவம் குறித்து வழக்கு பதிவு செய்த போலீசார் கணேசனை  கைது செய்து  விசாரணை நடத்தி வருகின்றனர்.