புஷ்பா படத்தில் அல்லு அர்ஜுனுக்கு சகோதரியாக நடிகை ஐஸ்வர்யா ராஜேஷ் நடிக்க இருப்பதாக தகவல் வெளியாகியுள்ளது.
பிரபல தெலுங்கு நடிகர் அல்லு அர்ஜுன் நடிப்பில் இயக்குனர் சுகுமார் இயக்கத்தில் உருவாகி வரும் திரைப்படம் புஷ்பா. இந்த படத்தில் ராஷ்மிகா மந்தனா கதாநாயகியாக நடிக்கிறார். மேலும் பகத் பாசில், ஜெகபதி பாபு, சுனில், பிரகாஷ்ராஜ் உள்ளிட்ட பலர் முக்கிய கதாபாத்திரத்தில் நடிக்கின்றனர் . இந்த படத்திற்கு இசையமைப்பாளர் தேவிஸ்ரீ பிரசாத் இசையமைக்கிறார் .
சமீபத்தில் வெளியான புஷ்பா படத்தின் டீஸர் ரசிகர்களிடையே நல்ல வரவேற்பை பெற்றது . இந்நிலையில் இந்த படத்தில் அல்லு அர்ஜுனுக்கு சகோதரியாக நடிகை ஐஸ்வர்யா ராஜேஷ் நடிக்க இருப்பதாக தகவல் வெளியாகியுள்ளது. தற்போது இந்த படத்தின் படப்பிடிப்பு ஹைதராபாத்தில் நடைபெற்று வருகிறது.