சிவகங்கை மாவட்டம் திருப்புவனத்தில் விவசாயி மின்னல் தாக்கி உயிரிழந்த சம்பவம் சோகத்தை ஏற்படுத்தியுள்ளது.
சிவகங்கை மாவட்டம் திருப்புவனத்தில் உள்ள முதுவந்திடல் கிராமத்தில் லிங்கசாமி (40) என்பவர் வசித்து வந்தார். இவர் விவசாயம் செய்து வந்துள்ளார். இந்நிலையில் சம்பவத்தன்று இவர் தனக்கு சொந்தமான வயலில் வேலை பார்த்துக் கொண்டிருந்தார். அப்போது திடீரென இடியுடன் மின்னல் அவரை தாக்கியுள்ளது. அதில் லிங்கசாமி சம்பவ இடத்திலேயே பரிதாபமாக இறந்துவிட்டார்.
இதுகுறித்து தகவலறிந்து வந்த காவல்துறையினர் லிங்கசாமியின் உடலை கைப்பற்றி திருபுவனம் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இதுகுறித்து காவல்துறையினர் வழக்குப்பதிந்து விசாரணை மேற்கொண்டு வருகின்றனர்.