நடிகை பாத்திமா பாபு பிக்பாஸ் ஜோடிகள் நிகழ்ச்சியில் போட்டியாளராக கலந்து கொண்டுள்ளார்.
தமிழ் தொலைக்காட்சிகளில் பல வருடங்களாக செய்தி வாசிப்பாளராக பணியாற்றி பிரபலமடைந்தவர் பாத்திமா பாபு. இவர் செய்தி வாசிப்பாளர் மட்டுமல்லாது தமிழ் மற்றும் மலையாளம் ஆகிய மொழிகளில் ஏராளமான திரைப்படங்களில் நடித்து அசத்தியுள்ளார். மேலும் இவர் பல சீரியல்களிலும் நடித்துள்ளார் . இதையடுத்து இவர் பிக் பாஸ் நிகழ்ச்சியின் மூன்றாவது சீஸனில் போட்டியாளராக கலந்து கொண்டார். ஆனால் இவர் பிக் பாஸ் வீட்டில் இருந்து சில நாட்களில் வெளியேற்றப்பட்டார் . தற்போது விஜய் தொலைக்காட்சியில் பிக்பாஸ் ஜோடிகள் என்ற புது நிகழ்ச்சி ஒளிபரப்பாக இருக்கிறது.
இதில் பிக்பாஸ் பிரபலங்கள் பலர் கலந்துகொண்டுள்ளனர். இந்நிலையில் இந்த நிகழ்ச்சியில் போட்டியாளர்களாக கலந்துகொண்டுள்ள பாத்திமா பாபு மற்றும் மோகன் வைத்தியா இருவரும் இணைந்து நடனமாட உள்ளனர். இந்த நடனத்திற்காக போடப்பட்ட மேக்கப்புடன் பாத்திமாபாபு இருக்கும் புகைப்படம் வெளியாகியுள்ளது. இந்த புகைப்படத்தை பார்த்த ரசிகர்கள் நடிகை பாத்திமா பாபுவா இது? அடையாளமே தெரியலையே என ஆச்சரியமடைந்துள்ளனர்.