சொத்து தகராறில் ஒருவர் தாய் மற்றும் மகனை இரும்பு கம்பியால் தாக்கிய சம்பவம் பரபரப்பை ஏற்படுத்தியுள்ளது.
கிருஷ்ணகிரி மாவட்டத்தில் உள்ள ஜி. மங்கலம் பகுதியில் சுகன்யா என்பவர் வசித்து வருகிறார். இவருக்கு அவினாஷ் என்ற மகன் உள்ளார். இவர்களுக்கும் அதே பகுதியில் வசிக்கும் சோமசுந்தரர் என்பவருக்கும் இடையே சொத்து பிரச்சினை காரணமாக ஏற்கனவே தகராறு ஏற்பட்டுள்ளது.
இந்நிலையில் சம்பவம் நடைபெற்ற அன்று சோம் சுந்தர் இரும்பு கம்பியால் சுகன்யாவையும், அவினாஷையும் பலமாக தாக்கியுள்ளார். இதில் படுகாயமடைந்த தாய் மற்றும் மகனை அருகில் உள்ளவர்கள் மீட்டு சிகிச்சைக்காக ஒசூர் அரசு மருத்துவமனையில் அனுமதித்துள்ளனர். மேலும் இச்சம்பவம் குறித்து வழக்குப்பதிவு செய்த காவல்துறையினர் சோம சுந்தரை கைது செய்து தீவிர விசாரணை மேற்கொண்டு வருகின்றனர்.