மனிஷ் பாண்டே, டேவிட் வார்னர் அரைசதம் அடிக்க ,இறுதியில் ஹைதராபாத் அணி 171 ரன்களை குவித்துள்ளது .
2021 ம் ஆண்டிற்கான ஐ.பி.எல் தொடரின் , 23 வது லீக் போட்டியில், சென்னை சூப்பர் கிங்ஸ்- சன்ரைசர்ஸ் ஹைதராபாத் அணிகள் மோதுகின்றன . இந்த போட்டி டெல்லி அருண் ஜெட்லி ஸ்டேடியத்தில், நடக்கிறது . இதில் டாஸ் வென்ற ஹைதராபாத் அணி , பேட்டிங்கை தேர்வு செய்தது .தொடக்க வீரர்களாக டேவிட் வார்னர் – ஜானி பெரஸ்டோவ் ஜோடி களமிறங்கினர் .இதில் பெரஸ்டோவ் 5 பந்துகளில் 7 ரன் எடுத்து வெளியேற ,அடுத்து களமிறங்கிய மனிஷ் பாண்டே, டேவிட் வார்னருடன் ஜோடி சேர்ந்தார் .இருவரின் பாட்னர்ஷிப் சிறப்பான ஆட்டத்தை வெளிப்படுத்தியது .
இதில் கேப்டன் வார்னர் 55 பந்துகளில் ,57 ரன்களை குவித்து ஆட்டமிழந்தார் .இதை தொடர்ந்து மனிஷ் பாண்டே 46 பந்துகளில் 61 ரன்கள் எடுத்து வெளியேறினார் .அடுத்து களமிறங்கிய கேன் வில்லியம்சன் 19 வது ஒவரில் , ஷர்துல் தாகூர் வீசிய பந்துகளை தொடர்ந்து 4,6,4,4 என அடித்து விளாசினார் . இறுதிவரை அட்டமிழக்காமல் ஆடிய கேன் வில்லியம்சன் 26 ரன்களும் , கேதர் ஜாதவ் 12 ரன்கள் எடுக்க ,இறுதியாக ஹைதராபாத் அணி 20 ஓவர் முடிவில் 3 விக்கெட் இழப்பிற்கு 171 ரன்களை குவித்துள்ளது .அடுத்து களமிறங்கியுள்ள சிஎஸ்கே 172 ரன்களை வெற்றி இலக்காக கொண்டு விளையாடி வருகிறது .