முகேஷ் அம்பானியின் வலது கரமாகவும் ரிலையன்ஸ் இண்டஸ்ட்ரீஸில் மூத்த அதிகாரியாகவும் இருந்தவர் சைன மத துறவி ஆகியுள்ளார்.
ரிலையன்ஸ் இண்டஸ்ட்ரீஸ் தலைவர் முகேஷ் அம்பானியின் வலதுகரமாக இருந்தவர் பிரகாஷ் ஷா. இவர் அந்த நிறுவனத்தின் திட்ட பிரிவு துணைத் தலைவராக பணியாற்றியவர். இவரது ஓய்வு பெறும்போது இவருடைய ஆண்டு வருமானம் ரூபாய் 75 கோடி ஆகும். இவர் கடந்த ஆண்டு கொரோனா பாதிப்பு ஏற்பட்ட நாளிலிருந்து ஆடம்பர வாழ்க்கையைத் துறந்து எளிமையாக வாழ ஆரம்பித்தார்.
இந்நிலையில் இவர் கடந்த 25ஆம் தேதி வெள்ளை ஆடை உடுத்தி ஜைன மதத் துறவிகான தீட்சையை எடுத்துள்ளார். அத்துடன் இவரது மனைவியான நைனாவும் கணவருடன் துறவரம் பூண்டுள்ளார். இவர் ஐஐடி மும்பையில் கெமிக்கல் இன்ஜினியரிங் பிரிவில் பிடெக் மற்றும் எம்டெக் முடித்து பட்டம் பெற்றவர். இவருடைய இளைய மகன் கடந்த 7 ஆண்டுகளுக்கு முன்பு தனது 24வது வயதில் ஜைன துறவியானது குறிப்பிடத்தக்கதாகும்.