பெரம்பலூர் மாவட்டத்தில் உள்ள பாடாலூரில் டேங்கர் லாரி மோதி மோட்டார் சைக்கிள் விபத்துக்குள்ளானதில் 2 பேர் பலத்த காயமடைந்தனர்.
பெரம்பலூர் மாவட்டத்தில் உள்ள நாரணமங்கலம் கிராமத்தில் திருச்சி-சென்னை தேசிய நெடுஞ்சாலையில் வசித்து வரும் அறிவழகன் (33) என்பவரும், அன்னமங்கலம் கிராமத்தில் வசித்து வரும் கிருஷ்ணமூர்த்தி (48) என்பவரும் சம்பவத்தன்று மோட்டார் சைக்கிளில் சென்று கொண்டிருந்தனர். இதையடுத்து நாரணமங்கலம் பிரிவு அருகே மோட்டார் சைக்கிள் சாலையைக் கடக்க முயற்சி செய்தபோது அங்கு வந்த டேங்கர் லாரி எதிர்பாராதவிதமாக மோதியதில் கிருஷ்ணமூர்த்தி, அறிவழகன் ஆகிய 2 பேரும் பலத்த காயமடைந்தனர்.
அதனை கண்ட அக்கம் பக்கத்தினர் அவர்களை மீட்டு சிகிச்சைக்காக பெரம்பலூர் அரசு மருத்துவமனைக்கு அனுப்பி வைத்தனர். இதுகுறித்து பாடாலூர் காவல்துறையினர் வழக்குப்பதிந்து விசாரணை மேற்கொண்டு வருகின்றனர்.