வனப்பகுதியில் 2 வயது மதிக்கத்தக்க பெண் குட்டியானை இறந்து கிடந்துள்ளது.
கோயம்புத்தூர் மாவட்டத்திலுள்ள அக்காமலை புல்மேடு வனப்பகுதியில் வனத்துறையினர் தீவிர ரோந்து பணியில் ஈடுபட்டுள்ளனர். அப்போது அப்பகுதியில் இரண்டு வயதான பெண் குட்டியானை இறந்து கிடந்ததை பார்த்து அதிர்ச்சி அடைந்தனர். இதுகுறித்து உடனடியாக வனத்துறையினர் உயர் அதிகாரிகளுக்கு தகவல் தெரிவித்துள்ளனர்.
அந்த தகவலின் படி சம்பவ இடத்திற்கு விரைந்து சென்ற அதிகாரிகள் மற்றும் கால்நடை மருத்துவர்கள் குட்டி யானையின் உடலை பிரேத பரிசோதனை செய்துள்ளனர். மேலும் 2 வயது குட்டி யானையின் இறப்பு குறித்து வனத்துறையினர் தீவிர விசாரணை மேற்கொண்டு வருகின்றனர்.