‘நாங்க தோற்றத்துக்கு ,அந்த ஒரு ஓவர் தான் காரணம்’…! விராட் கோலி வருத்தம்…!!!

பஞ்சாப் கிங்ஸ் 34 ரன்கள் வித்தியாசத்தில் ,பெங்களூரு அணியை வீழ்த்தி அபார வெற்றி பெற்றது.

நேற்று அகமதாபாத்தில் நடைபெற்ற 26 வது லீக் போட்டியில் பஞ்சாப் கிங்ஸ் – ராயல் சேலஞ்சர்ஸ் பெங்களூர் அணிகள் மோதிக்கொண்டன. இதில் பஞ்சாப் கிங்ஸ் 34 ரன்கள் வித்தியாசத்தில் பெங்களூரு அணியை வீழ்த்தி அபார வெற்றி பெற்றது.இதுகுறித்து தோல்வி அடைந்ததை பற்றி ஆர்சிபி அணியின் கேப்டன் விராட் கோலி கூறும்போது, இந்த போட்டியில் பஞ்சாப் கிங்ஸ் பேட்டிங் சிறப்பாக அமைந்திருந்தது. அந்த அணியில் 5 விக்கெட்டுகளை வீழ்த்தி கட்டுக்குள் வைத்திருந்தோம்.

இதில் 116 ரன்களில்  5 விக்கெட்டுகளை  எடுத்தோம். ஆனால் இறுதி ஓவரில் இது முற்றிலுமாக மாறியது. இறுதியில் நாங்கள் 25 ரன்களை  விட்டுக் கொடுத்தோம்.  அடுத்ததாக பேட்டிங்கில் களமிறங்கிய வீரர்கள் , யோசித்து விளையாடி இருக்க வேண்டும். சரியான பார்ட்னர்ஷிப் அமைத்து ரன்களை குவித்திருக்க  வேண்டும். ஆனால் அதை நாங்கள் செய்ய தவறி விட்டோம் என்றும் , தோல்விக்கு இதுவே காரணமாக இருந்தது என்று விராட் கோலி தெரிவித்துள்ளார்.