தமிழகத்தில் கடந்த ஏப்ரல் 6-ஆம் தேதி நடந்து முடிந்த சட்டப்பேரவைத் தேர்தலில் பதிவான வாக்குகளை எண்ணும் பணி காலை 8 மணிக்கு தொடங்கியது. தமிழகம் முழுவதும் சுமார் 75 மையங்களில் 3 அடுக்கு போலீஸ் பாதுகாப்பு போடப்பட்டுள்ளது. முன்னனி நிலவரங்கள் பிற்பகலுக்குள், வெற்றி நிலவரங்கள் மாலைக்குள் தெரியவரும். ஒவ்வொரு தொகுதிக்கும் நான்கு முதல் ஐந்து சுற்று வரை வாக்கு எண்ணிக்கை நடைபெற உள்ளது. அதில் முதல் கட்டமாக தபால் வாக்கு எண்ணிக்கை தொடங்கியது.
இந்நிலையில் தாராபுரம் தொகுதியில் போட்டியிடும் தமிழக பாஜக தலைவர் முருகன் தபால் வாக்கு எண்ணிக்கையில் முன்னிலை பெற்றுள்ளார். கோவில்பட்டி தொகுதியில் அமைச்சர் கடம்பூர் ராஜு முன்னிலை பெற்றுள்ளார். டிடிவி தினகரன் பின்னடைவை சந்தித்துள்ளார்.