கொரோனா நோய் பரவல் காரணமாக சிபிஎஸ்இ பத்தாம் வகுப்பு பொதுத் தேர்வுகள் ரத்து செய்யப்பட்டு மாணவர்களின் திறன் அறிந்து உள் மதிப்பீட்டின் அடிப்படையில் மதிப்பெண்கள் வழங்கப்படும் என்று சிபிஎஸ்இ அறிவித்துள்ளது.
புதுடெல்லில் கொரோனா நோய் பரவல் குறைந்த வந்த நிலையில் 10-ம் வகுப்பு மற்றும் 12-ம் வகுப்பு பொதுத் தேர்வுகளின் தேதிகள் அறிவிக்கப்பட்டு இருந்தது. அதாவது சிபிஎஸ்இ 10-ம் வகுப்பு மற்றும் பிளஸ் 2 வகுப்பு பொது தேர்வுகள் 4 முதல் ஜூன் 14-ஆம் தேதி வரை நடைபெறும் என்று சிபிஎஸ்இ அறிக்கையை வெளியிட்டிருந்தது. அதில் 10-ம் வகுப்பு தேர்வு எழுதும் மாணவர்களின் மொத்த எண்ணிக்கை 21,50,761 பேரும், பிளஸ் 2 தேர்வு எழுதும் மாணவர்களின் மொத்த எண்ணிக்கை 14,30,243 பேரும் தேர்வினை எழுத தயார் நிலையில் இருந்தனர்.
இதனிடையே நாடு முழுவதும் கொரோனா நோய் பரவல் 2-வது அலையாக சில வாரங்களாகவே தீவிரமாக பரவி பெரும் பாதிப்பை ஏற்படுத்தி வருகின்றது. இதனால் மாணவர்களின் நலன் கருதி சிபிஎஸ்இ 10-ம் வகுப்பு பொது தேர்வு ரத்து செய்யப்பட்டது. அதேசமயம் சிபிஎஸ்சி பிளஸ் 2 பொது தேர்வை ஒத்தி வைப்பதாகவும் தகவல் வெளியானது.
கொரோனா நோய் பரவலின் நிலவரம் குறித்து ஜூன் 1-ஆம் தேதி சிபிஎஸ்இ ஆய்வு செய்தபிறகு பிளஸ் 2 தேர்வுக்கான தேதி வெளியிடப்படும் என்று தெரிவித்துள்ளனர். பிறகு சிபிஎஸ்இ 10-ம் வகுப்பு பொதுத் தேர்வுகளின் முடிவுகள் மாணவர்களின் திறன் அறிந்து உள் மதிப்பீட்டின் அடிப்படையில் மதிப்பெண்கள் வழங்கப்பட்டு ஜூன் 3-வது வாரத்தில் அறிவிக்கப்படும் என்று தெரிவித்துள்ளனர்.