தமிழகத்தில் கடந்த ஏப்ரல் 6-ஆம் தேதி நடந்து முடிந்த சட்டப்பேரவைத் தேர்தலில் பதிவான வாக்குகளை எண்ணும் பணி காலை 8 மணிக்கு தொடங்கியது. தமிழகம் முழுவதும் சுமார் 75 மையங்களில் 3 அடுக்கு போலீஸ் பாதுகாப்பு போடப்பட்டுள்ளது. முன்னனி நிலவரங்கள் பிற்பகலுக்குள், வெற்றி நிலவரங்கள் மாலைக்குள் தெரியவரும். ஒவ்வொரு தொகுதிக்கும் நான்கு முதல் ஐந்து சுற்று வரை வாக்கு எண்ணிக்கை நடைபெற உள்ளது. அதில் முதல் கட்டமாக தபால் வாக்கு எண்ணிக்கை தொடங்கியது. அதன்பிறகு வாக்கு இயந்திரத்தில் பதிவான வாக்குகள் எண்ணப்பட்டு வருகின்றன.
இதுவரை நடந்த வாக்கு எண்ணிக்கையில் சதவீத அடிப்படையில் மூன்றாவது இடத்தில் நாம் தமிழர் கட்சி இடம்பெற்றுள்ளது. தமிழகத்தில் இதுவரை நடந்த வாக்கு எண்ணிக்கையில் 3-வது இடத்தில் நாம் தமிழர் கட்சி உள்ளது. திமுக கூட்டணி இதுவரை எண்ணப்பட்ட வாக்குகளில் 8.58 சதவீத வாக்குகளை பெற்றுள்ளது. அதேபோல் அதிமுக கூட்டணி 7.87 சதவீதம் வாக்குகளை பெற்று 2ம் இடத்தில் இருக்கிறது. தொடர்ந்து நாம் தமிழர் கட்சி 1.15 சதவீதம் வாக்குகள் பெற்று 3ம் இடத்தில் உள்ளது.