ராஜஸ்தான் அணி 55 ரன்கள் வித்தியாசத்தில் ,ஹைதராபாத்தை வீழ்த்தி அபார வெற்றி பெற்றது .
14வது ஐ.பி.எல் தொடரின் , 28 வது லீக் போட்டியில், ராஜஸ்தான் ராயல்ஸ் – சன்ரைசர்ஸ் ஹைதராபாத் அணிகள் மோதின . இந்த போட்டி டெல்லி அருண் ஜெட்லி ஸ்டேடியத்தில், நடைபெற்றது . இதில் டாஸ் வென்ற சன்ரைசர்ஸ் ஹைதராபாத் அணி , பீல்டிங்கை தேர்வு செய்ததால்,ராஜஸ்தான் அணி பேட்டிங்கில் களமிறங்கியது .தொடக்க வீரர்களாக ஜோஸ் பட்டலர் – ஜெய்ஸ்வால் ஜோடி களமிறங்கியது .இதில் ஜெய்ஸ்வால் 12 ரன்களில் வெளியேற ,அடுத்ததாக கேப்டன் சஞ்சு சாம்சன் ,ஜோஸ் பட்டலருடன் இணைந்தார் .இருவரின் பாட்னர்ஷிப் சிறப்பான ஆட்டத்தை வெளிப்படுத்தியது .
குறிப்பாக ஜோஸ் பட்டலர் அதிரடி ஆட்டத்தை காட்டினார். இவர் 64 பந்துகளில்11 பவுண்டரி , 8 சிக்ஸர்களை அடித்து விளாசினார் . இதில் சஞ்சு சாம்சன் 48 ரன்களில் வெளியேற ,அடுத்ததாக ரியான் பராக் களமிறங்கினார் . அதிரடியாக விளையாடி வந்த ஜோஸ் பட்டலர் 124 ரன்களை எடுத்து ,சந்தீப் சர்மா பந்து வீச்சில் ஆட்டமிழந்தார் . இறுதியாக ராஜஸ்தான் அணி 20 ஓவர் முடிவில் 3 விக்கெட் இழப்பிற்கு 220 ரன்களை குவித்துள்ளது .அடுத்து களமிறங்கிய ஹைதராபாத் அணி 221 ரன்களை வெற்றி இலக்காக கொண்டு விளையாடியது .
இதில் தொடக்க வீரர்களாக மனிஷ் பாண்டே – ஜானி பேர்ஸ்டோ ஜோடி களமிறங்கியது . இதில் மனிஷ் பாண்டே 31 ரன்கள் எடுத்து ஆட்டமிழக்க ,அடுத்து கேப்டன் கேன் வில்லியம்சன் களமிறங்கினார். இதில் ஜானி பேர்ஸ்டோ 30 ரன்கள் எடுத்து வெளியேற ,அடுத்து கேன் வில்லியம்சன் 20 ரன்கள் எடுத்து ஆட்டமிழந்தார். அடுத்ததாக களமிறங்கிய விஜய்சங்கர் 8 ரன்கள் கேதர் ஜாதவ் 19 ரன்கள் எடுத்து , அடுத்தடுத்து ஆட்டமிழந்தனர். இறுதியாக ஹைதராபாத் அணி 20 ஓவர் முடிவில் 8 விக்கெட் இழப்பிற்கு 165 ரன்களை எடுத்து தோல்வியை சந்தித்தது. இதனால் ராஜஸ்தான் அணி 55 ரன்கள் வித்தியாசத்தில் வெற்றி பெற்றது.