தமிழகம் உள்ளிட்ட 5 மாநிலங்களில் கடந்த ஏப்ரல் 6-ஆம் தேதி நடந்து முடிந்த சட்டமன்ற தேர்தலில் வாக்கு எண்ணிக்கை நேற்று நடந்தது. அதில் முதற்கட்டமாக தபால் வாக்குகள் எண்ணப்பட்டன. அதன்பிறகு வாக்கு இயந்திரங்களில் பதிவான வாக்குகள் எண்ணப்பட்டு வந்தன. ஆனால் சில தொகுதிகளில் வாக்கு எந்திரங்கள் கோளாறு காரணமாக வாக்குகள் எண்ணப்படும் அதில் தாமதம் ஏற்பட்டது. அதன்பிறகு ஒவ்வொரு தொகுதியிலும் வெற்றி வேட்பாளர்கள் அறிவிக்கப்பட்டு வந்தனர்.
இந்நிலையில் மேற்கு வங்க மாநிலத்தில் திரிணாமுல் காங்கிரஸ் தலைவர் மம்தா பானர்ஜி வெற்றி பெற்றுள்ளார். இதனை அடுத்து மேற்கு வங்க தேர்தலில் அமோக வெற்றிபெற்ற திரிணாமுல் காங்கிரஸ் கட்சிக்கு பிரதமர் மோடி வாழ்த்து கூறியுள்ளார். திரிணாமுல் காங்கிரசின் அதிகாரபூர்வ வெற்றிக்கு சகோதரி மம்தாவுக்கு வாழ்த்துக்கள். கொரோனா பாதிப்பை எதிர் கொள்ளவும், மக்களின் தேவையைப் பூர்த்தி செய்வதிலும் மத்திய அரசு தொடர்ந்து அவருக்கு அனைத்து உதவிகளையும் செய்யும் என கூறியுள்ளார்.