கொரோனா பரவல் காரணமாக மே மாதம் நடக்கவிருந்த அனைத்து தேர்வுகளும் ஒத்தி வைக்கப்படுவதாக மத்திய அரசு அதிரடி அறிவிப்பை வெளியிட்டுள்ளது.
இந்தியாவில் கொரோனா இரண்டாம் அலை தீவிரமாக பரவி வருகின்றது. இவற்றில் கட்டுப்படுத்துவதற்காக மத்திய அரசு பல்வேறு முயற்சிகளை மேற்கொண்டு வருகின்றது. பல மாநிலங்களில் இரவு நேர ஊரடங்கு அமல்படுத்தப்பட்டு உள்ளது. இது மட்டுமில்லாமல் பல மாநிலங்களில் ஆக்சிஜன் பற்றாக்குறை காரணமாக நோயாளிகள் தொடர்ந்து உயிரிழந்து வருகின்றன.
இதையடுத்து கொரோனா தீவிரம் ஆவதால் மே மாதம் நடக்கவிருந்த எழுத்துப்பூர்வமான தேர்வுகள் அனைத்தும் ஒத்தி வைக்கப்படுவதாக மத்திய அரசு அதிரடி அறிவிப்பை வெளியிட்டுள்ளது. தேர்வு நடத்துவது குறித்து ஜூன் மாத முதல் வாரத்தில் ஆய்வு செய்து முடிவு எடுக்கப்படும் எனவும் விளக்கம் அளித்துள்ளது.