பெண்ணிடம் 5 பவுன் தங்க சங்கிலியை பறித்த மர்ம நபரை காவல்துறையினர் தேடி வருகின்றனர்.
கோயம்புத்தூர் மாவட்டத்தில் உள்ள மங்கலகரைப்புதூர் பகுதியில் சின்னராஜ் என்பவர் வசித்து வருகிறார். இவருக்கு புஷ்பராணி என்ற மனைவி உள்ளார். இவர் அப்பகுதியில் மளிகை கடை ஒன்றை நடத்தி வந்துள்ளார். இந்நிலையில் மோட்டார் சைக்கிளில் இரண்டு வாலிபர்கள் இவர்களது மளிகை கடைக்கு சென்று உள்ளனர். இதனையடுத்து அந்த வாலிபர்கள் புஷ்பராணியிடம் குளிர்பானத்தை வாங்கிக் கொண்டு சில திண்பண்டங்களை கேட்டுள்ளனர்.
அதனை எடுப்பதற்காக புஷ்பராணி கீழே குனிந்த சமயத்தில் அவர் கழுத்தில் அணிந்திருந்த 5 பவுன் தங்க நகையை பறித்து விட்டு இரண்டு பேரும் அங்கிருந்து தப்பி ஓடிவிட்டனர். இதுகுறித்து புஷ்பராணி அளித்த புகாரின் பேரில் வழக்குப்பதிவு செய்த காவல்துறையினர் தங்க சங்கிலியை பறித்துச் சென்ற இரண்டு பேரை வலைவீசி தேடி வருகின்றனர்.