பிக்பாஸ் பிரபலம் ரம்யா பாண்டியனின் லேட்டஸ்ட் போட்டோ சூட் புகைப்படம் வெளியாகியுள்ளது.
தமிழ் திரையுலகில் நடிகை ரம்யா பாண்டியன் ஜோக்கர், ஆண் தேவதை உள்ளிட்ட படங்களில் நடித்துள்ளார். இதன்பின் இவர் விஜய் தொலைக்காட்சியில் ஒளிபரப்பான குக் வித் கோமாளி நிகழ்ச்சி மூலம் ஏராளமான ரசிகர்கள் மனதில் இடம் பிடித்தார். இதையடுத்து இவர் பிக்பாஸ் நிகழ்ச்சியின் 4-வது சீசனில் போட்டியாளராக கலந்து கொண்டார். இவர் இந்த நிகழ்ச்சியின் இறுதி போட்டி வரை சென்று 4-வது இடத்தை பிடித்தார் என்பது குறிப்பிடத்தக்கது. மேலும் பிக்பாஸ் நிகழ்ச்சி மூலம் பிரபலமடைந்த ரம்யா பாண்டியனுக்கு படங்களில் நடிக்கும் வாய்ப்புகள் கிடைத்தது.
தற்போது இவர் சூர்யாவின் 2டி என்டர்டெயின்மென்ட் நிறுவனம் தயாரிக்கும் படத்தில் நடித்து வருகிறார். நடிகை ரம்யா பாண்டியன் அவ்வப்போது தனது அழகிய புகைப்படங்களை தனது சமூக வலைதளப் பக்கத்தில் வெளியிட்டு ரசிகர்களை கவர்ந்து வருகிறார். இந்நிலையில் ரம்யா பாண்டியன் ராணி போல் உடை அணிந்து போட்டோஷூட் நடத்திய புகைப்படம் வெளியாகியுள்ளது. தற்போது இந்த அழகிய புகைப்படத்திற்கு ஏராளமான லைக்குகள் குவிந்து வருகிறது.