திண்டுக்கல் மாவட்டத்தில் உள்ள கள்ளிமந்தையம் அருகே பெண் ஒருவர் பேருந்து நிலையத்தில் இறந்து கிடந்த சம்பவம் குறித்து காவல்துறையினர் விசாரணை மேற்கொண்டு வருகின்றனர்.
திண்டுக்கல் மாவட்டத்தில் உள்ள கருப்பதேவன்பட்டி பேருந்து நிலையம் அருகே நேற்று முன்தினம் 40 வயது மதிக்கத்தக்க பெண் ஒருவர் இறந்து கிடந்துள்ளார். ஆனால் அவர் எந்த ஊரை சேர்ந்தவர் ? அவர் யார் ? என்பது குறித்த தகவல் எதுவும் தெரியவில்லை. மேலும் அவர் எப்படி இறந்தார் ? என்ற தகவலும் தெரியவில்லை.
இதுகுறித்து தகவலறிந்து வந்த காவல்துறையினர் பெண்ணின் உடலை கைப்பற்றி பழனி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இது குறித்து காவல்துறையினர் வழக்குப்பதிந்து விசாரணை மேற்கொண்டு வருகின்றனர்.