நடிகர் விஷால் துப்பறிவாளன் இரண்டாம் பாகத்தை கிடப்பில் போட்டுவிட்டார் என்று தெரியவந்துள்ளது.
தமிழ் சினிமாவில் மிஷ்கின் இயக்கத்தில் நடிகர் விஷால் நடிப்பில் கடந்த 2017ஆம் ஆண்டு வெளியான திரைப்படம் ‘துப்பறிவாளன்’. இப்படம் ரசிகர்கள் மத்தியிலும் நல்ல வரவேற்பைப் பெற்றது. இதைத் தொடர்ந்து துப்பறிவாளன் படத்தின் இரண்டாம் பாகம் உருவாகி வந்தது. இப்படத்தின் முதற்கட்ட படப்பிடிப்பு லண்டனில் நடந்து முடிந்துள்ளது. ஆனால் விஷாலுடன் ஏற்பட்ட கருத்து வேறு காரணமாக மிஸ்கின் இப்படத்திலிருந்து விலகினார்.
அதன் பின் மீதி இருக்கும் படத்தை தானே இயக்குவதாக விஷால் தெரிவித்திருந்தார். நடிகர் விஷால் அடுத்தடுத்து படங்களில் பிஸியாக நடித்து வந்ததால் துப்பறிவாளன் இரண்டாம் பாகத்தில் அவரால் கவனம் செலுத்த முடியாமல் போயுள்ளது. இதனால் இப்படத்தினை அவர் கிடப்பில் போட்டுவிட்டார்.