இருசக்கர வாகனம் மரத்தின் மீது மோதிய விபத்தில் ஒருவர் பலியான சம்பவம் சோகத்தை ஏற்படுத்தியுள்ளது.
தஞ்சாவூர் மாவட்டத்திலுள்ள திருக்காட்டுப்பள்ளி பகுதியில் செல்வநாதன் என்பவர் வசித்து வந்தார். இவர் சம்பவம் நடந்த அன்று தனது மோட்டார் சைக்கிளில் சொந்த வேலைக்காக திருவையாறு வரை சென்றிருந்தார்.
பின்னர் அந்த வேலையை முடித்துவிட்டு மீண்டும் திருக்காட்டுப்பள்ளிக்கு திரும்பும்போது நிலை தடுமாறி சாலை ஓரத்தில் உள்ள மரத்தின் மீது இருசக்கரவாகனம் மோதி கீழே விழுந்து படுகாயம் அடைந்து சம்பவ இடத்திலேயே பலியாகியுள்ளார்.
இதுகுறித்து தகவல் அறிந்ததும் காவல் துறை சம்பவ இடத்திற்கு விரைந்து வந்து உடலை மீட்டு பிரேத பரிசோதனைக்காக அரசு மருத்துவமனைக்கு கொண்டு சென்றுள்ளனர். மேலும் இதுகுறித்து செல்வநாதன் என்பவரின் மனைவி அளித்த புகாரின் பேரில் காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர்.