தமிழகத்தில் நாளை மெட்ரோ ரயில் காலை 7 மணி முதல் இரவு 9 மணி வரை இயங்கும் என தமிழக அரசு தெரிவித்துள்ளது.
தமிழகத்தில் கடந்த மாதத்திலிருந்து கொரோனா தொற்றின் இரண்டாம் அலை தீவிரமாக பரவி வருகிறது. இவற்றை கட்டுப்படுத்துவதற்கு தமிழக அரசு பல்வேறு நடவடிக்கைகளை மேற்கொண்டு வருகின்றது. ஏற்கனவே இரவு நேர ஊரடங்கு மற்றும் ஞாயிற்றுக்கிழமைகளில் முழு ஊரடங்கு என்ற கட்டுப்பாடுகளை அறிவித்திருந்தது. இதைத்தொடர்ந்து தமிழகத்தில் மே 10ஆம் தேதி முதல் 24ஆம் தேதி வரை முழு ஊரடங்கு அமலில் இருக்கும் என்ற அறிவிப்பையும் இன்று காலை வெளியிட்டுள்ளது.
இதன் காரணமாக இன்று மற்றும் நாளையும் காலை 7 மணி முதல் 9 மணி வரை அனைத்து கடைகளும் திறந்திருக்கும் என்றும், மக்கள் அத்தியாவசிய பொருள்களை வாங்கிக் கொள்ள வேண்டும் என்றும் அறிவுறுத்தியிருந்தது. அதைத் தொடர்ந்து தற்போது புதிய அறிவிப்பு வெளியாகியுள்ளது. சென்னையில் நாளை ஒருநாள் மெட்ரோ ரயில் வழக்கம் போல் இயங்கும் என மெட்ரோ நிர்வாகம் அறிவித்துள்ளது. அதன்படி, நாளை காலை 7 மணி முதல் இரவு 9 மணி வரை பத்து நிமிடங்களுக்கு ஒரு முறை மெட்ரோ ரயில் இயங்கும் என தமிழக அரசு தெரிவித்துள்ளது.