கஞ்சாவை கடத்தி வந்த இருவரை காவல்துறையினர் கைது செய்து விசாரணை நடத்தி வருகின்றனர்.
மதுரை மாவட்டத்திலுள்ள உத்தப்பநாயக்கனூர் பகுதியில் போலீசார் வாகன சோதனையில் ஈடுபட்டு கொண்டிருந்தனர். அந்த சமயத்தில் இரு சக்கர வாகனத்தில் வேகமாக வந்த இருவரை காவல்துறையினர் வழிமறித்து சோதனை நடத்தியுள்ளனர். இந்த சோதனையில் அவர்கள் கஞ்சாவை கடத்தி வந்தது தெரியவந்துள்ளது.
இதனையடுத்து காவல்துறையினர் அவர்களை அழைத்து விசாரணை நடத்தியதில் அவர்கள் நவீன் குமார் மற்றும் கண்ணன் என்பது தெரியவந்துள்ளது. அதன்பின் காவல்துறையினர் அவர்கள் இருவரையும் கைது செய்து அவர்களிடம் இருந்து ஆறு கிலோ கஞ்சா மற்றும் 15 ஆயிரத்து 500 ரூபாய் ரொக்கப் பணத்தை பறிமுதல் செய்து விசாரணை நடத்தி வருகின்றனர்.