பிரபல நடிகை வாணிபோஜனின் திரைப்படம் ஓடிடியில் வெளியாக இருப்பதாக தகவல் வெளியாகி உள்ளது.
தமிழ் சினிமாவில் பிரபல நடிகை, நடிகர்களாக வலம் வருபவர்கள் வாணிபோஜன் மற்றும் வைபவ். இவர்கள் இருவரும் தற்போது ராதா மோகன் இயக்கத்தில் மலேசியா டு அம்னீசியா என்ற திரைப்படத்தில் நடித்துள்ளனர். பிரேம்ஜி இசையமைத்துள்ள இப்படத்தில் எம்.எஸ்.பாஸ்கர், கருணாகரன், மயில்சாமி உள்ளிட்ட பல பிரபலங்கள் முக்கிய கதாபாத்திரத்தில் நடித்துள்ளனர்.
தற்போது திரையரங்குகள் மூடப்பட்டிருக்கும் நிலையில் பல படங்கள் நேரடியாக ஓடிடி தளங்களில் வெளியாகி வருகிறது. அந்த வகையில் வாணி போஜன் மற்றும் வைபவ் நடித்துள்ள மலேசியா டு அம்னீசியா திரைப்படமும் பிரபல ஓடிடி தளத்தில் வருகின்ற மே 28-ஆம் தேதி வெளியாகும் என்று அறிவிக்கப்பட்டுள்ளது. இதேபோல் வாணிபோஜன் மற்றும் வைபவ் இணைந்து நடித்த லாக்கப் திரைப்படமும் ஓடிடியில் வெளியானது குறிப்பிடத்தக்கது.