சாராயம் விற்பனைக்காக பதுக்கி வைத்திருந்த ஊறலை பறிமுதல் செய்த காவல்துறையினர் குற்றவாளிகளை தீவிரமாக தேடி வருகின்றனர்.
கள்ளக்குறிச்சி மாவட்டத்தில் உள்ள கல்வராயன் மலையில் சாராய ஊறலை பதுக்கி வைத்திருப்பதாக காவல்துறையினருக்கு ரகசிய தகவல் கிடைத்துள்ளது. அந்த தகவலின் காவல்துறையினர் சம்பவ இடத்திற்கு விரைந்து சென்று தீவிர சோதனையில் ஈடுபட்டுள்ளனர்.
இதனை அடுத்து கோணம்காடு மற்றும் சின்னதிருப்பதி போன்ற பகுதிகளில் 5000 லிட்டர் சாராய ஊறல் பதுக்கி வைத்திருந்ததை காவல்துறையினர் கண்டுபிடித்துள்ளனர். அதன் பின் அந்த சாராய ஊறலை காவல்துறையினர் கீழே ஊற்றி விட்டனர். மேலும் இச்சம்பவம் குறித்து வழக்குபதிவு செய்த காவல்துறையினர் சாராய ஊறலை பதுக்கி வைத்திருந்த மர்ம நபர்களை வலை வீசி தேடி வருகின்றனர்.