குண்டும் குழியுமாக இருக்கும் சாலையை சீரமைத்து தர வேண்டும் என பொதுமக்கள் கோரிக்கை விடுத்துள்ளனர்.
கரூர் மாவட்டத்தில் உள்ள மூலிமங்கலம் சாலை கடந்த 2 ஆண்டுகளுக்கு முன்பு போடப்பட்டதாகும். இந்த சாலை தற்போது ஆங்காங்கே குண்டும் குழியுமாக காணப்படுகிறது. இதன் வழியாக தினசரி சிமெண்ட் ஆலை காகித ஆலைக்கு ஏராளமான லாரிகள் சென்று வருகின்றன. அதேபோல் சுற்றுவட்டார பகுதிகளில் செயல்படும் கல் குவாரிகளில் இருந்து ஜல்லிகள் மற்றும் கற்கள் ஏற்றி கொண்டு ஏராளமான லாரிகள் வருகின்றன.
அதேபோல் கார்கள், இருசக்கர வாகனங்களும் சென்று வருகிறது. இதனால் குண்டும் குழியுமாக இருக்கும் சாலைகளில் செல்லும்போது அடிக்கடி விபத்து ஏற்படுகிறது. குறிப்பாக இரவு நேரங்களில் இருசக்கர வாகனத்தில் செல்பவர்கள் குழிகள் இருப்பது தெரியாமல் விழுந்து காயமடைகின்றனர். எனவே சம்பந்தப்பட்டவர்கள் இந்த சாலையை விரைவில் சீரமைத்து தர வேண்டும் என அப்பகுதி பொதுமக்கள் வேண்டுகோள் விடுத்துள்ளனர்.