இருசக்கர வாகனத்தில் சென்று கொண்டிருந்த பெண்ணிடம் இருந்து 7 பவுன் தங்க சங்கிலியை பறித்து சென்ற மர்ம நபரை காவல்துறையினர் தீவிரமாக தேடி வருகின்றனர்.
மதுரை மாவட்டத்திலுள்ள பழங்காநத்தம் பகுதியில் பிரேம்குமார்-சுதா என்ற தம்பதியினர் வசித்து வருகின்றனர். சுதா தனது மகளுடன் இருசக்கர வாகனத்தில் கடை வீதிக்கு சென்று விட்டு காளவாசல் மேம்பாலத்தில் வந்து கொண்டிருந்தனர்.
அந்த சமயத்தில் 2 மர்ம நபர்கள் சுதா சென்ற இருசக்கர வாகனத்தை பின்தொடர்ந்து வந்து அவர் கழுத்தில் அணிந்திருந்த 7 பவுன் தங்கச் சங்கிலியை பறித்துக் கொண்டு தப்பிச் சென்றுள்ளனர்.
இந்த சம்பவத்தில் அவர் தடுமாறி இருசக்கர வாகனத்திலிருந்து கீழே விழுந்துள்ளார். இதுகுறித்து சுதா காவல் நிலையத்தில் புகார் அளித்துள்ளார். இந்த புகாரின் பேரில் காவல்துறையினர் வழக்குப்பதிவு செய்து தங்கச் சங்கிலியை பறித்து சென்ற மர்ம நபர்களை தீவிரமாக தேடி வருகின்றனர்.