என் தோழிய பார்க்க போறேன்… அதிர்ச்சியடைந்த பெற்றோர்… காவல்துறையினரின் அதிரடி நடவடிக்கை…!!

17 வயது மாணவியை வாலிபர் கடத்தி சென்ற சம்பவம் அதிர்ச்சியை ஏற்படுத்தியுள்ளது.

தர்மபுரி மாவட்டத்திலுள்ள மணியம்பாடி பகுதியில் 17 வயது மாணவி ஒருவர் வசித்து வருகிறார். இவர் தர்மபுரியில் உள்ள ஒரு தனியார் கல்லூரியில் முதலாம் ஆண்டு படித்து வந்துள்ளார். இந்நிலையில் தனது தோழியை பார்ப்பதாக வெளியே சென்ற மாணவி மீண்டும் வீட்டிற்கு திரும்பி வரவில்லை. இதனால் அதிர்ச்சி அடைந்த அவரது பெற்றோர் அந்த மாணவியை அனைத்து இடங்களிலும் தேடி பார்த்துள்ளனர்.

அப்போதுதான் புது ரெட்டியூர் பகுதியில் வசிக்கும் சிவகுரு என்ற வாலிபர் மாணவியை கடத்தி சென்று விழுப்புரத்தில் மறைத்து வைத்திருப்பது தெரிய வந்துள்ளது. இதனையடுத்து கடத்தூர் காவல் நிலையத்தில் மாணவியின் பெற்றோர் தங்களது மகளை காணவில்லை என புகார் அளித்துள்ளனர். அந்த புகாரின் பேரில் வழக்குப்பதிவு செய்த காவல்துறையினர் விழுப்புரத்துக்கு விரைந்து சென்று மாணவியை மீட்டதோடு, சிவகுருவை கைது செய்து சிறையில் அடைத்து விட்டனர்.