‘ருத்ரதாண்டவம்’ படத்தின் டப்பிங் பணிகளை தர்ஷா குப்தா நிறைவு செய்துள்ளதாக தகவல் வெளியாகியுள்ளது.
விஜய் தொலைக்காட்சியில் ஒளிபரப்பான குக் வித் கோமாளி நிகழ்ச்சியின் இரண்டாவது சீசனில் போட்டியாளராக கலந்து கொண்டு ஏராளமான ரசிகர்கள் மனதில் இடம் பிடித்தவர் தர்ஷா குப்தா. இந்த நிகழ்ச்சி மூலம் பிரபலமடைந்த தர்ஷாவுக்கு படத்தில் நடிக்கும் வாய்ப்பு கிடைத்தது. தற்போது இவர் திரௌபதி பட இயக்குனர் மோகன் ஜி இயக்கத்தில் உருவாகிவரும் படத்தில் கதாநாயகியாக நடிக்கிறார். ருத்ரதாண்டவம் என டைட்டில் வைக்கப்பட்டுள்ள இந்த படத்தில் நடிகர் ரிச்சர்ட் ரிஷி கதாநாயகனாக நடிக்கிறார்.
RudraThandavam female lead @DharshaGupta finished her dubbing portions recently.. pic.twitter.com/pXJtDCUen4
— Mohan G Kshatriyan (@mohandreamer) May 10, 2021
மேலும் இந்த படத்திற்கு ஜுபின் இசையமைத்து வருகிறார். கடந்த சில மாதங்களாக இந்த படத்தின் படப்பிடிப்பு விறுவிறுப்பாக நடைபெற்று வந்தது. தற்போது இந்த படத்தின் படப்பிடிப்புகள் நிறைவடைந்து போஸ்ட் புரொடக்ஷன் பணிகள் நடைபெற்று வருகிறது. இந்நிலையில் ருத்ரதாண்டவம் படத்தின் டப்பிங் பணிகளை தர்ஷா குப்தா நிறைவு செய்துள்ளதாக இயக்குனர் மோகன் ஜி தனது டுவிட்டர் பக்கத்தில் தெரிவித்துள்ளார். மேலும் அவர் தர்ஷாவுடன் இணைந்து எடுத்துக்கொண்ட செல்பி புகைப்படத்தையும் வெளியிட்டுள்ளார். விரைவில் இந்த படம் வெளியாகவுள்ளது குறிப்பிடத்தக்கது.