பிபிசி தொலைக்காட்சியில் அரபி செய்தியாளர் நேரலையில் இருந்தபோது அவருக்கு பின்னால் இருந்த ஒரு கட்டிடத்தின் மீது இஸ்ரேல் நடத்திய தாக்குதலில் அது தவிடுபொடியாக்கி விழுந்த காட்சி சமூக வலைத்தளத்தில் வெளியாகி பெரும் பீதியை ஏற்படுத்தியுள்ளது.
இஸ்ரேல் நாட்டில் கிழக்கு ஜெருசலேமில் உள்ள Sheikh Jarrah பகுதியில் அரபு குடும்பங்களை வெளியேற்றுவது தொடர்பாக பாலஸ்தீனியர்களுக்கும் இஸ்ரேலிய போலீசாருக்கும் இடையே மோதல் ஏற்பட்டுள்ளது.
இந்த நிலையில் காசா நகரில் பிபிசி அரபி செய்தியாளர் Adnan Elbursh என்பவர் நேரலையில் தலைக்கவசம் மற்றும் பாதுகாப்பு கவசம் உடையணிந்த படி பேசிக்கொண்டிருக்கும் போது அவருக்குப் பின்னால் சுமார் நூறு மீட்டர் தூரத்தில் இருந்த கட்டிடம் ஒன்றில் இஸ்ரேல் ஏவுகணை மூலம் தாக்குதல் நடத்தியுள்ளது.
இந்த தாக்குதலின் போது அவர் அங்கிருந்து பயந்து செல்ல அவருக்குப் பின்னால் பல அடுக்கு கட்டிடத்தில் நடத்தப்பட்ட தாக்குதலில் ஒரு பகுதி சரிந்து விழுந்தது. அதன்பின் சற்று நேரத்தில் நடத்தப்பட்ட மற்றொரு தாக்குதலில் மீதமுள்ள கட்டிடமும் நொறுங்கி விழுந்து மண்ணோடு மண்ணானது.