தமிழில் பல படங்களில் நடித்த நடிகர் பவுன்ராஜ் மாரடைப்பு காரணமாக உயிரிழந்தார்.
தமிழகத்தில் கொரோனா தீவிரமாக பரவி வருகிறது. கொரோனா காரணமாக பல முக்கிய தலைவர்கள், பிரபலங்கள் உயிரிழந்து வருகின்றனர். இது ஒரு புறமிருக்க இளம் வயதிலேயே பல நடிகர்கள் உயிரிழந்து வரும் செய்தி பெரும் சோகத்தை ஏற்படுத்துகிறது. பல இளம் நடிகர்கள் மாரடைப்பு போன்ற பல காரணங்களால் தொடர்ந்து உயிரிழக்கும் சம்பவங்கள் அதிகரித்துக் கொண்டு வருகின்றது.
இதே போன்று தற்போது தமிழில் வருத்தப்படாத வாலிபர் சங்கம், ரஜினி முருகன் உள்ளிட்ட படங்களில் நடித்த நடிகர் பவுன்ராஜ் மாரடைப்பு காரணமாக இன்று உயிரிழந்தார். இவர் அசோசியேட் டைரக்டராகவும் திரைப்படங்களில் பணியாற்றி வந்தார். இவரது மறைவுக்கு பலரும் தங்களது இரங்கல்களை தெரிவித்து வருகின்றன.