புதுக்கோட்டை மாவட்டத்தில் கிணற்றில் தவறி விழுந்த கன்றுக் குட்டியை தீயணைப்பு வீரர்கள் உயிருடன் மீட்டுள்ளனர்.
புதுக்கோட்டை மாவட்டத்திலுள்ள அஞ்சுபுளிப்பட்டி கிராமத்தில் அங்குதன் என்பவர் வசித்து வருகிறார். இவருக்கு சொந்தமான கன்றுக்குட்டி ஒன்று அப்பகுதியிலுள்ள தோட்டத்தில் மேய்ந்து கொண்டிருக்கும் போது கிணற்றில் தவறி விழுந்து விட்டது. இதனை பார்த்து அதிர்ச்சியடைந்த அப்பகுதி மக்கள் தீயணைப்பு துறையினருக்கு தகவல் தெரிவித்துள்ளனர்.
இதுக்குறித்து தகவலறிந்த தீயணைப்பு வீரர்கள் சம்பவ இடத்திற்கு விரைந்து சென்று கிணற்றில் விழுந்த கன்றுக்குட்டியை கயிறு கட்டி உயிருடன் மீட்டுள்ளனர். இதனால் அப்பகுதி மக்கள் தீயணைப்பு வீரர்களுக்கு பாராட்டு கலந்த நன்றியை தெரிவித்துள்ளனர்