அரபிக் கடலில் உருவான காற்றழுத்த தாழ்வு பகுதியானது காற்றழுத்த தாழ்வு மண்டலமாக வலுவடைந்து அரபிக்கடல் நோக்கி நகரக்கூடும் எனவும், இது டவ்-தே புயலாக உருவாக வாய்ப்புள்ளதாக சென்னை வானிலை ஆய்வு மையம் தெரிவித்திருந்தது. இந்நிலையில் தென்கிழக்கு அரபிக்கடலில் உருவான ஆழ்ந்த காற்றழுத்த தாழ்வு மண்டலம் டவ்தே புயலாக நேற்று உருவாகியது. இதனால் கன்னியாகுமரி பகுதியில் பலத்த மழை பெய்துள்ளது.
இதையடுத்து டவ்தே புயல் வடமேற்கு திசையில் நகர்ந்து 18-ம் தேதி குஜராத்தில் கரையை கடக்கும் என தெரிவிக்கப்பட்டது. இதையடுத்து அதி தீவிர புயலாக மாறியுள்ளது டவ்தே புயல் குஜராத்தை நோக்கி நகர்ந்து வருகிறது. புயலினால் ஏற்படும் பாதிப்புகளை எதிர்கொள்ள தேசிய பேரிடர் மீட்பு படையினர் 42 குழுக்கள் அரபிக்கடலில் கரையோரப் பகுதிகளில் உள்ள ஆறு கடலோர மாநிலங்களுக்கு அனுப்பி வைக்கப்பட்டுள்ளதாக மத்திய அரசு தெரிவித்துள்ளது.